Wednesday, November 17, 2010

လွင့်မျောနေသော တိမ်တိုက်များ(သို့)မသိကိန်းတစ်ခု၏၀တ္တု(၂)

သူ လမ်းလျှောက်ထွက်နေစဉ်မှာပဲ ကောင်းကင်ရှိ နေ က တော်တော်ပူလောင်နေပြီ။ပူလောင် မှု့က လူရဲ့အပေါ်ယံလွာ အရေပြားတွင်မက အတွင်းစိတ်တွေပါ လောင်ကျွမ်းနေတယ်။သူ သွားနေသော နေရာသည် ဘယ်လိုနေရာလဲ၊ပူလောင်မှု့တွေ ဝေးကွာနေသော နေရာလား၊မီးများ နဲ့ ကင်းဝေးရာနေရာလား၊လောကကြီးနဲ့ ဝေးရာသို့လား၊တောနက်ကြီးတစ်ခုလား၊သူ ကိုယ်တိုင်လဲ မသိနိုင်ပါဘူး၊ဌက်တွေ ကောင်းကင်တွင် ပျံသန်းနေသည်၊သူ့ ဘ၀ ကလဲ ထိုဌက်တွေလို ဖြစ်ချင်သည်၊လေဟုန် စီးရင်း ကောင်းကင် ယံတွင် ပျံသန်းဖို့ပေါ့၊တိမ်တိုက်တွေ လွင့်မျောနေသည်၊လေနှင်ရာကို ပဲပေါ့၊ထို တိမ်တိုက်တွေထဲတွင် ရေခိုးရေငွေ့များပါသည်၊ရေခိုးရေငွေ့မှ မိုးတိမ်တိုက်တွေ အဖြစ် မိုးများရွာသွန်းသည်။သူ သည် တိမ်တိုက်တွေကို စိတ်ဝင်စားသည်၊သဘာဝတရားကို နှစ်သက်သည်၊တိမ်တိုက်တွေလို ဘ၀ကို လွင့်မျောနေသည်။သူ့တွင် ရှိသော စိတ်ကူးမှာ တိမ်တိုက်တွေထဲ ပျော်ဝင်နေရန်ဖြစ်သည်။သူ့ အေးအေးလူလူပဲ လမ်းဆက်လျှောက်နေသည်။သူ့တွင် ခရီးဆောင်အိတ်တစ်လုံးမရှိ၊မျှော်လင့်ခြင်းတွေ၊စိတ်ကူးတွေ၊အနာဂတ်တွေ ခေါက်သိမ်းရန်တော့ ကျောပိုးအိတ်တစ်လုံးသာရှိသည်။သူ့တွင် Computer Laptop တစ်လုံးမရှိ၊တစ်ခုခုကို လုပ်သင့်၊မလုပ်သင့် စဉ်းစားတက်သော ဦးနှောက်၊အမှား၊အမှန် သိတက်တော့ စဉ်းစား ဥာဏ်တော့ ရှိသည်။သူ့တွင် နားထောင်စရာ MP3,MP4,MP5 မရှိ၊ဂီတ၊သံစဉ်ကို ခံစားတက်သော နှလုံးသားနှင့် နား တော့ရှိသည်။သူ့တွင် ကြည့်စရာ တီဗွီ မရှိ၊သဘာဝတရားကို ကြည့်တက်သော၊အနုပညာကို ခံစားတက်သော မျက်စိတော့ရှိသည်။သူ့တွင် ကားတစ်စီးမရှိ၊ဖုန်းတစ်လုံးမရှိ၊ကိုယ့် ဘ၀ကို ကိုယ် ထုဆစ်တက်သော ခြေနှင့် လက်တော့ ရှိသည်။သူ့တွင် မရှိသော အရာများ မှာ များပြားသည်ဟု သူထင်သည်။ဘာပဲပြောပြောပါမရှိတာကိုတွေ ကို သူမသိခြင်းသည် သူ့အတွက် တန်ဖိုးမဖြတ်နိုင်သော ရောင့်ရဲမှု့တစ်ခုပင်။သူ လမ်းလျှောက်ရင်း ရောက်လာသော နေရာသည် ဘူတာတစ်ခု ဖြစ်သည်။ဘူတာတွင် ဈေးသည်များ အော်ဟစ်စွာ ဈေးရောင်းနေကြသည်။ကူလီ ထမ်းသော လူတွေက ကူလီထမ်းနေသည်။ရှေ့နားက ထိုင်ခုံတွင် လူဝကြီးတစ်ယောက် အိပ်ပျော်နေသည်။ကလေးတစ်သိုက် ဆူညံနေကြသည်။မကြာမီ ရထားတစ်စင်းဘူတာသို့ ရောက်ရှိကြသည်။ခရီးသည်များ ဆင်းလာကြသည်။တက်သူများ တက်သွားကြသည်။သူလဲ အပါအ၀င်ပေါ့။ဘ၀ဆို တာ ရထားတစ်စင်းလိုပါပဲ၊သံသရာ ခရီးတွင် မောင်းနှင်ရင်း ကျန်ခဲ့တဲ့ သူကျန်ခဲ့ တက်သွားတက်သူ တက်သွား၊မရပ်မနား ခရီးဆက်နေသည်။လောက အကြောင်း၊ဘ၀ အကြောင်း စဉ်းစားရင်း ရထားပေါ်တွင် သူအိပ်ပျော်သွားသည်။အဝေးက မိုးကောင်းကင်ထဲတွင် တိမ်တိုက်များ လွင့်မျောနေသည်။ထို တိမ်တိုက်တွေထဲ သူ နစ်မျောနေရင်း မဆုံးသေးသော အိပ်မက်များမက်နေပါတော့သည်။

Thursday, October 21, 2010

ဤ ကဗျာ ၏ ခေါင်းစဉ်မှာ အောက်ပါအတိုင်း ဖြစ်သည်။

တကယ်ပါ...
မှော်ဆရာ တစ်ယောက်ဖြစ်လို့ကတော့..
မျှော်လင့်ခြင်းတွေ
အသက်သွင်းလို့ ရရင် သွင်းလိုက်ချင်တယ်။
ဘာလိုလိုနဲ့..
ချစ်ခြင်းတရား ကို
အရောင် ဆိုးခဲ့တာလည်းကြာပေါ့။
အတ္တတွေ၊မာန တွေ စားသုံးနေရတော့..
ဘ၀ က အစင်းရာတွေ နဲ့ “ဓါတ်ပြား တစ်ချပ်” လို
အသံကုန် ဟစ်ကြွေးနေတယ်။
သားရဲတွေ ပေါများလှတဲ့ ဒီ တောနက်ထဲမှာ...
အ၀ိဇ္ဇာ တရား တွေ လောင်ကျွမ်းနေတယ်။
ဟေ့...အသက်တွေကြီးလာပြီ
ရထားပေါ်က မဆင်းသေးဘူးလား?၊
ဟိုမှာ..သေခြင်းတရား ဆိုတဲ့ လက်မှတ်စစ်က
ရှေ့က ဘူတာမှာ စောင့်နေတယ်။
မင်းတို့ ငါ ရူးနေတယ်လို့ ပဲပြောမလား?
ဒါမှမဟုတ်..
မင်းတို့ပဲ ရူးနေတာလား?
အင်း..အကုန်လုံးတော့ ရူးနေတာပဲ (ယဉ်ယဉ်လေးပဲပေါ့)
“ညနေ နေ၀င်ချိန် အလှ” ကို စိတ်ကူး ပန်းချီ ဆွဲနေတဲ့...
“ငါ” ဆို တဲ့ လူတစ်ယောက်ရဲ့ လွမ်းတေးတွေကို
မင်း ဘာလို့ နားမထောင်ချင်တာလဲ ချစ်သူ...
စိတ်ကူးယဉ်ဆန်တဲ့ ပြဒါး မှန် တစ်ချပ် ကို
မင်း ဘာလို့ မကြည့်ချင်ရတာလဲ..။
ကဲ.. မိုးချုပ်ပြီ
ငါ အိပ်တော့ မယ်
ကျေးဇူးပြု၍ လာမနှိုးပါနှင့်။ ။

Sunday, October 10, 2010

မသိကိန်းတစ်ခု၏၀တ္ထု

အရင်ညတွေလိုပါပဲ ကောင်းကင်တွင် ကြယ်ကလေးများ ထွန်းလင်းတောက်ပလျက်ရှိသည်။တောက်ပနေသော ကြယ်များသည် အချို့ကကြွေကျကုန်၏၊အချို့က မှိတ်တုတ်မှိတ်တုတ် နှင့် လင်းလက်နေသည်။
ခါတိုင်းလိုပဲ အိမ်ပြန်ချိန်များ ကတော့ ခြောက်သွေ့ခြင်း၊ငြီးငွေ့ခြင်းများနဲ့ အတူ မျောပါလာသည်။ကမ္ဘာမြေ အပြင်ဘက် စကြာဝဋ္ဌာ တွင် ဥက္ကပျံ အချို့လေထဲတွင် အချင်းချင်းပွတ်တိုက်ခြင်းဖြင့် အလင်းဖြစ်ပေါ်သည်။ဤဖြစ်စဉ်ကို အချို့က ကြယ်ကြွေသည်ဟုပြောသည်။ဘာပဲ ဖြစ်ဖြစ်ပါ သူ့ အိမ်ပြန်ချိန်များကတော့ အရင်လိုပဲပေါ့။အိမ်ပြန်ချိန် ဟု ဆိုသော်လည်း အိမ်ဆိုသည်မှာ တစ်ယောက်တည်းနေသော အိမ်လား၊မိသားစုနှင့်နေသော အိမ်လား၊ဒါမှမဟုတ် ဌားနေသော အိမ်လား၊အမျိုးမျိုးရှိလေသည်။သူ့ အတွက်ကတော့ နေဖို့၊ကျောခင်းဖို့ ရှိရင်“အိမ်”ဟူသော ဝေါဟာရ အတွက် အဓိပ္ပါယ်ပြည်စုံသည်။
သူ အိမ်ပြန်ရောက်တော့ အိပ်ယာပေါ်တွင် လက်ကျန် အိပ်မက်အချို့ ပြန့်ကျဲနေသည်။ထို ပြန့်ကျဲနေသောအိပ်မက် အချို့ကို ကောက်ပြီး ခေါင်းအုန်းအောက်ထဲ ထိုးထည့်လိုက်သည်။အိပ်ချိန်ရောက် မှ ဆက်လက်မက်မည် ဆိုတော့ သဘောဖြစ်သည်၊
သူ့တွင် ကျောပိုးအိတ် တစ်လုံးရှိသည်။ထို ကျောပိုးအိတ်အရောင်တော့ သေချာမသိပါ၊တစ်ခါတစ်ရံ သူ့စိတ်နဲ့တော့ လိုက်ပြီး အရောင်ပြောင်းတက်သည်။ထို ကျောပိုးအိတ်ထဲတွင် သုံးမရသော အနာဂတ်ပါဝင်သည်။သံချေးတက်နေသော စိတ်ကူးယဉ် အိပ်မက်တွေပါသည်၊ဖောက်သောက် ပြီးသော ဘီယာဘူးခွံလို မျော်လင့်ခြင်းတွေ ပါဝင်သည်။ဒိုင်ယာရီ စာအုပ်အဟောင်း၊ဘော့ပင် စသည်တို့လည်းပါဝင်သည်။
အချိန်မှာ ညနက် သန်းခေါင်ကို ရောက်တော့မည်။သူလဲ လုပ်စရာရှိတာတွေ လုပ်ပြီး ဆေးလိပ်တို ကို မီးညှိ လိုက်သည်
လူဘ၀ ဟာ ဆေးလိပ် လိုပဲ တဖြည်းဖြည်းနဲ့ သောက်ပြီး ကုန်ပြီး နောက်ဆုံး ပြာပဲ ဖြစ်သွားရသည်။
ထိုအချိန်တွင် လေပြေ လေးက ဖြေးညှင်းစွာ တိုက်ခက်နေသည်။တိတ်ဆိတ်နေသော ညအမှောင်တွင် သဘာဝတရားကလှပနေသည်။ထို လှပနေသော သဘာဝတရားက သူ့ရင်ထဲမှာ ရှိသော ပူပန်မှု့၊အမည်မသိ သောက တွေကိုတော့ မသိချင်ယောင် ဆောင်နေသည် ဟု သူခံစားရသည်။
မကြာမီ လူတို့၏ အိပ်စက်ချိန်ကို ရောက်ရှိလာသည်။သူ လဲ အိပ်ရာပေါ်လှဲပြီး နောက် မကြာမိ အိပ်ပျော်သွားသည်။ခေါင်းအုန်း အောက်တွင် ရှိသော အိပ်မက်အချို့ကတော့ သူ့ကို စောင့်ကြိုနေသည်။သူ လဲ ထို အိပ်မက်တွေကို ပြေးတွေ့ လိုက်သည်။
အိပ်ပျော် သွားသော အခါ သူ မက်သော အိပ်မက်ထဲတွင် ပျော်ရွင်ဖွယ်ရာများ၊သူ ဖြစ်ချင်သော ဆန္ဒများ၊တစ်ချိန်က ချစ်ခဲ့သော ချစ်ခြင်းမေတ္တာများ၊စသည့် များလှသော အိပ်မက်များကို မြင်မက်နေသည်။
ထိုအချိန်တွင် ကောင်းကင်ရှိ ကြယ်ကလေးများကလည်း အစွမ်းကုန် လင်းလက်နေသည်။
မနက်မိုးလင်းသော အခါ သူ အိပ်ရာမှာထလာသည်။အရင်လိုပဲ ဘ၀မှာ အသက်ဆက်ရှင်ရင်း ငြီးငွေ့မှု့တွေ ကို အရောင်ဆိုးနေရသည်။သူ ကျောပိုးအိတ်ကို လွယ်ပြီး ခါတိုင်း သွားနေကြ နေရာကို ပဲ ဆက်သွားလိုက်သည်။
သူ့ အတွက် ပျော်ရွင်ခြင်း၊ကျေနပ်ခြင်းတွေကတော့ သေတ္တာထဲပဲ သိမ်းထားခဲ့သည်။ဘ၀ ဆိုတာ ဘာလဲ ဟုတော့ သူ မစဉ်စားချင်တော့။“ခဏလေးတွေး၊ခဏလေးငေး၊ခဏလေးဆွေး၊ခဏလေးပဲ” ဟု ခဏတာ လူ့ဘ၀ကို စဉ်းစားရင်းနဲ့ပဲ သူ လမ်းဆက်လျောက်နေသည်။သူ လမ်းလျောက်နေရင်းနဲ့ တစ်ပြိုင်နက် နေ သည် အရှေ့ အရပ်မှ ထွက်၍ ပူလောင်စပြုလာပြီ။

Saturday, October 2, 2010

ပိုလျံနေသော ၀ါကျများ (သစ္စာနီ)

(၁)
ငါးဟာ..
ရေကို မသိသလို၊
လူတွေဟာ....
မသိတာကလွဲလို့ အားလုံးကိုသိခဲ့တယ်။
(၂)
ကြည့်ပါ
တခမ်းတနား နေထိုင်ဖို့
ဘုရားသခင် က အစ
တစ်ခါသုံး ဘောလ်ပင်အထိ
ကျွန်တော်တို့...
ဖန်ဆင်းခဲ့ကြ။
ဘာသာစကားကနေ
ဆင်ဖိုနီဓါတ်ပြားအထိ၊
အင်တာနတ် ကနေ
ထရိုဂျင်းနစ်မြင်းရုပ်အထိ၊
အပျော်စီးသင်္ဘော ကနေ
ငရဲကြီးရှစ်ထပ်အထိ
ကျွန်တော်တို့
ဖန်ဆင်းခဲ့ကြ၊
စည်သွတ်ဘူး ကနေ
ဆိုကရေတီး အဆိပ်ခွက် အထိ၊
အိတ်ခ်ျအိုင်ဗွီပိုး ကနေ
အင်္ဂါဂြိုလ်သွားယာဉ် အထိ၊
မိုးတိမ်အတုကနေ
ခေါင်းဖြတ်စက် အထိ၊
ကျွန်တော်တို့
ဖန်ဆင်းခဲ့ကြ။
ပိရမစ် ကနေ
စက္ကူနဲ့လုပ်တဲ့ ပန်းအထိ၊
ဆံပင်ဆိုးဆေး ကနေ
အာဏာရှင်စနစ် အထိ၊
လူကနေ
လူပုံတူမျိုးပွားအထိ၊
ကျွန်တော်တို့
ဖန်ဆင်းခဲ့ကြ။
(၃)
ကျွန်တော် တို့ဟာ
သစ်ပင်ပေါ်ကဆင်းပြီး
အချင်းချင်းလက်ဆွဲနှုတ်ဆက်
“ဟဲလို၊ဟိုင်း၊ဟေး”
ယဉ်ကျေးခဲ့ကြပါတယ်။
လေးနြဲှ့မှားကိုတင်တက်အောင်
ကောက်တဲ့ အခွန်ဆောင်တက်အောင်
ထီးဖြူမိုးတက်အောင်
ယဉ်ကျေးခဲ့ကြပါတယ်။
မိုးမျှော်တိုက်တွေကို ဂူလုပ်ဖို့
နေ၀င်ရင် မ်ီးဖွင့်တက်အောင်
တိုက်ပုံအကျီ ၀တ်တက်အောင်
ယဉ်းကျေးခဲ့ကြပါတယ်။
ဒါဝင် က သင်မပေးရအောင်
ရေချိုးခန်းနဲ့ ရေချိုးတက်အောင်
ယဉ်ကျေးခဲ့ကြပါတယ်။
တံတား ဆောက်တက်အောင်
ဥပဒေ ပြုတက်အောင်
ကွန်ဒုံး သုံးတက်အောင်
ယဉ်ကျေးခဲ့ကြပါတယ်။
ဖဲကစားတက်အောင်
ဘုရားဖူးသွားတက်အောင်
နုကလီးယားဗုံး လုပ်တက်အောင်
ယဉ်ကျေးခဲ့ကြပါတယ်။
လပေါ် လမ်းလျှောက်တက်အောင်
ကာကွယ်ဆေးထိုးတက်အောင်
ကိုယ့်အိမ်တံခါကို လုံခြုံစွာပိတ်တက်အောင်
ယဉ်ကျေးခဲ့ပါတယ်။
(၄)
ဒီလိုနဲ့...
ကျွန်တော်တို့
စားဖို့အတွက်
ပန်းကန်နဲ့ ချက်ပြုတ်နည်းတစ်ထောင်နဲ့
သူများအသက်နဲ့။
သောက်ဖို့အတွက်
အိုအေစစ် နဲ့ မိုးခါးရေနဲ့
ရေသန့်ဘူးစက်ရုံနဲ့။
နေဖို့ အတွက်
လေအေးပေးစက်နဲ့
ပြက္ခဒိန်နဲ့
ရေလိုက်ငါးလိုက် အတွေးအခေါ်နဲ့။
ကြည့်ဖို့ အတွက်
ရုပ်ရှင်ရုံနဲ့ ပန်းချီပြတိုက်နဲ့
တက်ယောင်ကားမျက်စိနဲ့။
နားထောင်ဖို့ အတွက်
ရေဒီယိုနဲ့ ဓါတ်ပြားနဲ့
နီရိုးဘုရင် ရဲ့ဗျတ်စောင်းသံနဲ့။
ရှူရှိက်ဖို့ အတွက်
ပင်လယ်လေနဲ့ ရက်ဗလွန်ရေမွှေးနဲ့
မသူတော်(၇)ပါး ကိုယ်နံ့နဲ့။
စီးပွားရှာဖို့အတွက်
မတော်လောဘနဲ့ ချိန်ခွင်နဲ့
မာကင်တိုင်ဝါဒနဲ့။
စစ်တိုက်ဖို့အတွက်
လက်နက်နဲ့ သေနင်္ဂဗျူဟာကျမ်းနဲ့
နိုင်လိုမင်းထက်ဝါဒနဲ့။
အပျင်းဖြေဖို့အတွက်
စီကရက်နဲ့ အလေလိုက်စရာနဲ့
အမဲပစ်ရိုင်ဖယ်နဲ့။
ငါမှန်ကြောင်း၊သူမှားကြောင်း
ပြောဖို့အတွက်
ပါးစပ်နဲ့ ကိုးကားစရာ စာအုပ်နဲ့
မိုးတစ်လုံးလေတစ်လုံး ဘ၀င်နဲ့။
ဖျားနာဖို့ အတွက်
အထူးကုဆေးခန်းနဲ့ ရုပ်ခန္ဒာနဲ့
ကိုးဆယ့်ခြောက်ပါးရောဂါနဲ့။
သေဆုံးဖို့ အတွက်
သံသရာနဲ့ သင်္ချီုင်းနဲ့
(သေပြီးမှ)...
သတိရကြမယ့်သူတွေနဲ့။
(၅)
ကျွန်တော်တို့ မှာ
ဂေါတမဗုဒ္ဓ ရှိတယ်။
နစ်ရှေး ရှိတယ်
မဟတ္တမဂန္ဒီ ရှိတယ်
စတာလင်ရှိတယ်
မိုးဇတ် ရှိတယ်
ဗာဂျီးနီးယားဝုဖ် ရှိတယ်
သောမတ်အက်ဒီဆင် ရှိတယ်
ဂျက်ဆင်ပိုးလော့ ရှိတယ်
အက်တလတ် ရှိတယ်
ပီတာဝိုင်ယာ ရှိတယ
ဆစ်ဂမန်ဖရွိုက် ရှိတယ်
ကိတ်ဝင်းဆလတ် ရှိတယ်
ဖူကူယားမား ရှိတယ်
ယူတူး က ဘိုနို ရှိတယ်
စတီဖင်ဟော့ကင်း ရှိတယ်
အိုစမာဘင်လာဒင် ရှိတယ်
ကျွန်တော်တို့ မှာ
တိရစ္ဆာန်ရုံ ရှိတယ်
ဘေးမဲ့တော ရှိတယ်
ဂေါက်ကွင်း ရှိတယ်
အကျဉ်းထောင် ရှိတယ်
ဆန်ကျင်ဘက်လိင် ရှိတယ်
စိတ်ပုတီး ရှိတယ်
စီးနေတဲ့မြစ်တွေ ရှိတယ်
ပေါက်ကွဲမယ့် မီးတောင် ရှိတယ်
ဗိုင်အိုလတ်ပေါင်ဒါ ရှိတယ်
အနုမြူဓါတ်ပေါင်းဖို ရှိတယ်
သစ်ခွပန်းရောင်စုံ ရှိတယ်
အသားကြိတ်တဲ့စက် ရှိတယ်
စားမရတဲ့ သစ်သီးတွေ ရှိတယ်
လကွယ်ည ရှိတယ်
ကျေးပိုင်ကျွန်ပိုင်စနစ် ရှိတယ်
ချွေးနံ့ပျောက်ဆေး ရှိတယ်။
(၆)
ဒီလိုနဲ့... ခပ်တည်တည်နဲ့ပဲ
ကျွန်တော်တို့ဟာ
ဘယ်တော့မိုးရွာမယ်ဆိုတာ
ကြိုတင်ပြောလို့။
ယုန်မြေမနင်းသားကို
ဓါးနဲ့လှီးကာ
အရသာခံ ၀ါးလို့။
အလင်းနှစ်တစ်သန်းက ကြယ်ကို
နက္ခတ်ကြည့် မှန်ပြောင်းနဲ့ ကြည့်လို့။
အပယ်လေးဘုံ ကို
ဓါတ်လှေကား အလုအယက်ဆင်လို့။
ပိုတမ်ကင် သင်္ဘောပေါ်က အမြှောက်သံကို
စပျစ်ဝိုင်စုပ်ရင်း နားထောင်လို့။
ဧဒင်ဥယျာဉ်ကို
မပုပ်သိုးအောင် ဖော်မယ်လင် စိမ်လို့။
ဟိုဝါဒ၊ဒီဝါဒ တွေကို
ကိုယ်နဲ့ တော်သလို အင်္ကျီချုပ်ဝတ်လို့။
ခပ်တည်တည်နဲ့ ပဲ
ကျွန်တော်တို့ ဟာ
စစ်ကြေညာလို့
စစ်ပြေငြိမ်းလို့
သစ်ပင်တွေကို ခုတ်လို့
သစ်ပင်တွေကို စိုက်လို့
လက်ထပ်ကြလို့
ကွာရှင်းကြလို့။
ခပ်တည်တည်နဲ့ ပဲ
ကျွန်တော်တို့ဟာ
သရုပ်ဆောင်လို့
သရုပ်မဆောင်လို့၊
ရေကိုစုန်လို့
ရေကိုဆန်လို့
တစ်ဝက်ကို စားလို့
တစ်ဝက်ကို ထွေးလို့
ခပ်တည်တည်နဲ့ပဲ
ကျွန်တော်တို့ဟာ
ငါးတွေကို မျှားလို့
ငါးတွေကို လွှတ်လို့
မှားတာတွေကို မှန်လို့
မှန်တာတွေကို မှားလို့
သေရမှာ ကြောက်လို့
သေရမှာ မကြောက်လို့
(၇)
သမိုင်းနိဂုန်းချုပ်ခဲ့ပြီ
ဂုဏ်ဆိုတာ ငွေကိုခေါ်တယ်
ဘယ်သူတရား ပျက်ပျက် ကိုယ်မပျက်စေနဲ့
မြစ်တစ်မြစ်ထဲကို နှစ်ခါပြန် မဆင်းနိုင်
စိတ်မလုံရင် တိတ္ထုံကြည့်
အိုဇုန်းလွှာကို ကယ်တင်ကြပါ
အားလုံးဟာ လိုင်ဘီဒိုညာဉ်မှာ အခြေခံတယ်
ငြိမ်းချမ်းရေး အတွက် စစ်လိုတယ်
ဘုရားသခင် က ကြွေအန်မကစားဘူး
စပါးတားကတ်ဆိုတာ ဘယ်သူလဲဟေ့
ဖြစ်တည်မှု့ က အနှစ်သာရထက်ရှေးကျတယ်။
(၈)
သင်...
နေထိုင်ဖို့ရာ
ပျော်ပျော်ရွင်ရွင် နေထိုင်ဖို့ရာ
ဒါမှမဟုတ်
မပျော်မရွင် နေထိုင်ဖို့ရာ
ဘာမှ မလိုပါ
ဥပမာ..
ဒီ ၀ါကျတွေက အစ မလိုသလိုပေါ့။ ။
သစ္စာနီ
(၂၀၀၄ နိုဝင်ဘာလထုတ် ဟန်သစ် မဂ္ဂဇင်းမှ)





်

Thursday, September 30, 2010

အိပ်မက်များ

့ လူတိုင်းတွင် အိပ်မက်ဆိုတာရှိသည်၊လူသားတိုင်းလည်းအိပ်မက် မက်ဖူးကြပေလိမ့်မည်၊အိပ်မက် မက်ခြင်းသည် အကြောင်းအမျိုးမျိူးကြောင့် မက်ခြင်းဖြစ်သည်။သွေး လေ ချောက်ချား၍မက်ခြင်း။အချို့က ဘုရားတရား ကြည်ညို၊ ယုံကြည်သောကြောင့် နတ်များကပေး၍မက်ခြင်း၊စိတ်စွဲလမ်း၍ အိပ်မက် မက်ခြင်းဟူ၍အမျိုးမျိုး ရှိလေသည်။အိပ်မက် မက်ခြင်းသည် အများအားဖြင့် စိတ်စွဲလမ်း၍ မက်ခြင်းကများလေသည်။အချို့ ကလည်း သွေး လေ ချောက်ခြား၍ အိပ်မက်ဆိုးများလည်း မက်တက်သည်။ထို အိပ်မက်ဆိုးများ သည် အပြင်လောကတွင် ဖြစ်ချင်မှလည်း ဖြစ်တက်သည်၊ကိုယ်ကျင့် တရားကောင်းမွန်သော သူများကတော့ အိပ်မက်ကောင်းများ မက်တက်သည်။စိတ်စွဲလမ်း၍ မက်သော အိပ်မက်များ သည် တစ်ခါတစ်ရံ အပြင်လောက ၌ ဖြစ်တက်သည်။သို့သော် အိပ်မက် အများစုသည် မက်ပြီးလျှင် မေ့ပျောက်သွားကြသည်က များသည်။ထို့ကြောင့် အိပ်မက်များ ကို ယုံကြည် အလေးအနက်ထားလို့လည်း မရချေ။
ကျနော်သည် အိပ်မက်များ ကို စိတ်ဝင်စားသည်၊နှစ်လည်း နှစ်သက်သည်။ ည အချိန် အိပ်စက်သော အခါ... ကောင်းသော အိပ်မက်ဖြစ်စေ၊ဆိုးသော အိပ်မက် ဖြစ်စေ မက်ချင်သည်။အဘယ်ကြောင့် ဆိုသည်ကို ကျနော့် ခံယူချက် အရ ပြောရလျှင် လောကတွင် နေထိုင်သော ကာမ ဘုံသား လူသားတို့ သည် မိမိတို့ တစ်နေ့တာ တွင် ကာမဂုဏ်အာရုံတွေ ကြား နှစ်မျောရင်း ဘ၀ ကို ကုန်ဆုံးကြရသည်၊ ညအခါ အိပ်စက်သော အခါ မှ အိပ်မက် မက်၍ စိတ်ကူး သမျှကို အိပ်မက်ထဲ၌ စိတ်ကူးယဉ်နိုင်သည်။ထိုကြောင့် အိပ်မက်များသည် ဘ၀၏ တစ်စိတ်တစ်ဒေသ အဖြစ် ပါဝင်နေသည်ဟု ကျနော် ယုံကြည်သည်။ကိုယ်ယုံကြည်သော စိတ်ကူး ဟု လည်း ပြော ၍ရနိုင်သည်။
အိပ်မက် တွင် မိုးတွင်း အိပ်မက် “ချောက်အိပ်မက်”၊“ဆောင်းတွင်း အိပ်မက် ကယောက်ကယက်” ဟူ၍ ရှိသည်။မိုးတွင်း ကာလတွင် မက်သော အိပ်မက်များသည် အများအားဖြင့် စိတ်ချောက်ချားဖွယ်ကောင်းသော အိပ်မက်များ ဖြစ်သောကြောင့် ချောက်အိပ်မက်များ ဟု ခေါ်ဆိုခြင်းဖြစ်သည်။ဆောင်းရာသီ တွင်မက်လေ့ ရှိသော အိပ်မက် များကတော့ ကယောက် ကယက်ဆို သလို ရောက်တက်ရာရာ မက်တက်သည်။အိပ်မက် အများစု သည် ဤ အိပ်မက်မျိုးသာဖြစ်သည်။မိုးတွင်း ချောက်အိပ်မက်များ သည် (Nightmare)အိပ်မက်ဆိုးနဲ့ လည်းတူပေသည်၊မိမိ အိပ်မက် မက် နေစဉ် အတွင်း အပြင်မှာ ဖြစ်နေသလို ခံစားရ၍ စိတ်ချောက်ခြားကာ လန့်နိုးတက်ကြသည်။တစ်ခါတစ်ရံ အိပ်မက် ထဲတွင် ချောက်ထဲကျသွား၍ အိပ်နေရင်းပင် တုန်လှုပ်ရသည်။လန့်နိုးတော့မှ အိပ်မက် ဟု သိရသည်။
အထူးသဖြင့် အိပ်မက် များသည် ထူးဆန်းအံသြဖွယ်လည်းကောင်းလှသည်၊အဓိပ္ပါယ်ဖွင့် ဆိုရသော် အိပ်မက် ဆိုသည် မှာ အိပ်နေစဉ် အတွင်း စိတ်၏ခေါ်ဆောင်ရာ လိုက်ကာ အပြင် ဘက် ဘ၀ မှ တွေ့ခဲ့၊သိခဲ့၊ကြုံ့ခဲ့ တာများကိုမြင်မက်သည်။ကြည်နူးဖွယ်၊ကြေကွဲဖွယ်၊လွမ်းဆွတ်ဖွယ်ရာတွေကို မိမိ တို့၏ မနော စိတ်မှ ဖြစ်ချင်နေသော စေတသိတ်ကို ဖြည့်ဆည်းပေးသော အဖြည့်ခံဖြစ်သည်။
အိပ်မက်အကြောင်း သိသမျှ ဆိုရလျှင် ပထမဦးစွာ အိပ်မက် မက်ခြင်းကို လူ၏ ဦးနှောက် ရှိ ဘယ်ဘက်အခြမ်း မှ အာရုံကြောများမှ လုပ်ဆောင်သည်။စာဖတ်ခြင်းကို တော့ ဦးနှောက်၏ ညာဘက် အာရုံကြော များမှ လုပ်ဆာင်သည်။ထိုကြောင့် အိပ်မက် မက်သည့် အခါ အိပ်မက် ထဲတွင် စာအုပ် တစ်အုပ် ဖတ်နေသည်ဟုတော့ မမက် ဖူးချေ၊(ဖတ်ဖူး သူများကတော့ စောဒက တက်နိုင်ပါသည်)။တဖန် အိပ်မက် ထဲတွင် (Black In White) အရောင် များသာ တွေ့ရသည်။Colour အရောင်များကို တော့ ခွဲခွဲခြားခြားမသိနိုင်ပေ၊စိတ် ၏ စေရာအရောင် များဖြစ်သောကြောင့် နိုးထလာသော အခါတွင်လည်း သိပ်မမှတ်မိတော့ပေ။
အိပ်မက်ကို အချိန် ကာလအားဖြင့်လည်း (၃) မျိုးခွဲခြားနိုင်သည်။ညဥ့်ဦးယံ၊သန်းခေါင်ယံ၊မိုးသောက်ယံ ဟူ၍ ဖြစ်သည်၊ညဥ့်ဦးယံ မက်သော အိပ်မက်များသည် များသောအားဖြင့်မက်ပြီးမေ့ပျောက်သည်က များသည်၊ပြန်စဉ်းစား၍ လည်းမရနိုင်ပေ၊သန်းခေါင်ယံမက်သော အိပ်မက်များသည် အိပ်မက်ဆိုးများ ဖြစ်တက်သည်။အိပ်မက်ဆိုးများသည် စိတ်ကိုချောက်လှန့် ၍ လန့်နိုးသည်ကများသည်။ထိုထဲတွင် မိုးသောက်ယံမက်သော အိပ်မက်များသည် အခြားအချိန်များထက် ထူးခြားသည်၊ထို အချိန်မက်သော အိပ်မက်မှာ မိုးလင်းခါနီး မက်သောကြောင့် ပြန်စဉ်းစား၍ ရနိုင်သည်၊မိမိ မက်သော အကြောင်းအရာ များ၊စိတ်စွဲလမ်းခဲ့သော အရာများကို တစ်ခါတစ်ရံ မေ့ပျောက် ၍ မရနိုင်ပေ၊မသိစိတ်၌ ကိန်းအောင်းနေတက်သည်။
မျက်စိမမြင်သောသူများလည်း အိပ်မက် မက်ကြသည်။မွေးရာ ပါ မျက်စိ မမြင်သော သူများ အိပ်မက် မက်သည်ဟုတော့ မကြားဖူးချေ၊ငယ်ငယ် က မြင်ပြီး အသက်ကြီးမှ မျက်စိကွယ်သွားသော သူများကတော့ အိပ်မက်မက် ကြသည်။သို့သော် သူတို့ မက်သည့် အိပ်မက်မှာ အမြင် အာရုံ ဖြင့်တော့ မဟုတ်ပေ၊အကြား၊အတွေ့၊အထိ များသာဖြစ်သည်။
သိပ္ပံပညာ တိုးတက်သော ကမ္ဘာကြီးတွင် အိပ်မက်တွေ အကြောင်းတော့ မည်သူမျှ တိတိကျကျ မလေ့လာ၊မစူးစမ်းနိုင်ပေ။ထိုကြောင့် အိပ်မက်အကြောင်း အဆုံးသတ်ရသော် လောကတွင် သတ္တ၀ါတို့၏ သံသရာသည် ရှည်လျား လှသည် ဖြစ်သည်ရာ အိပ်မက်များသည် အတိတ်ဘ၀က အဖြစ်အပျက်များ၊ပစ္စပ္ပန် ဘ၀ နှင့် အနာဂတ်ဘ၀များ လူ့ဘ၀ ၏ တစ်စိတ်တစ်ဒေသ ဟု ပဲ ဆိုရတော့မည်။

Saturday, September 18, 2010

ကျွန်တော် ဟာ ကံကြမ္မာ ဖြစ်ချင်ခဲ့တယ်

လက်ညိုး ညွှန်ရာ..
ကွေ့ကောက် စီးဆင်းရလွန်းလို့..
ကျွန်တော် ဟာ ကံကြမ္မာ ဖြစ်ချင်ခဲ့တယ်၊
အိပ်မက်တွေ..
တစ်ရာသီပြီး တစ်ရာသီ အရိတ်သိမ်းခံရလွန်းလို့
ကျွန်တော် ဟာ ကံကြမ္မာ ဖြစ်ချင်ခဲ့တယ်၊
ဆုတောင်းခြင်းရဲ့..
ကျေးကျွန် ဖြစ်ရဖန်များလွန်းလို့..
ကျွန်တော် ဟာ ကံကြမ္မာ ဖြစ်ချင်ခဲ့တယ်၊
ဖြည့်ဆည်းခြင်းရဲ့ အရှင်သခင်အဖြစ်
အရာအားလုံးကို ပြဌာန်းဖို့
ကျွန်တော် ဟာ ကံကြမ္မာ ဖြစ်ချင်ခဲ့တယ်၊
လောကဓံကို..
ပျစ်ပျစ်နှစ်နှစ် ဆက်ဆံရေးဖို့
ကျွန်တော် ဟာ ကံကြမ္မာ ဖြစ်ချင်ခဲ့တယ်၊
အတိအကျ ပြောရရင်တော့
ကိုယ့် ကို ကိုယ် ဓါး ထောက်ပြီး
လူ့ ကျင်ဝတ်တွေကို လုယက်ဖို့
ကျွန်တော် ဟာ ကံကြမ္မာ ဖြစ်ချင်ခဲ့တာပါပဲ။
မြမြင့်မိုရ်
(၂၀၀၄)(October ဟန်သစ် မဂ္ဂင်းဇင်းမှ)၊

လည်ပတ်နေဆဲ

ရေးရေး မရေးရေး
ဒီကဗျာ တွေ...
မရေးတာကြာပြီ
သိလာတာ၊ရှိလာတာ ထက်
ဘ၀ရဲ့ အမောတွေ..
တိုးလာတာကပိုများတယ်၊
ကမ္ဘာဦးကတည်း က ရှိလာတဲ့
လိုအင်ရမ္မက် စုတ်ချက်တွေ..
ခုချိန်ထိ အရောင်မမှိန်သေးဘူး၊
လသာတယ်၊
ကြယ်လင်းတယ်၊
သစ်ပင်တွေ စိမ်းလန်းတယ်၊
ဌက်တွေ ပျံသန်းတယ်၊
နေ၀င်တယ်၊နေထွက်တယ်၊
နေ့ နဲ့ ည တွေ ပြောင်းလဲတယ်
ထပ်ထပ်ပြီး..
တစ်ရက်ပြီး တစ်ရက် ကြီးလာတဲ့ အသက်
အနိစ္စ၊ဒုက္ခ၊အနတ္တ ဘူတာ တွေကိုတောင် ဆိုက်ရောက်တော့မယ်၊
သြော်...ဘာလိုလို နဲ့
“ငါ”တောင် ကဗျာ မရေးတာကြာပေါ့

Thursday, September 16, 2010

ကျနော် သိပ်မသိသော ကိုဌက်

ဘ၀ ဆိုသည် မှာ ရိုးရှင်းလှသည် ဟု ခံယူထားသည်။လူရယ် ဟု ဖြစ်လာလျှင် လူသားတို့သည် ရုန်းကန် လှုပ်ရှားအသက်ရှင် နေထိုင်ြကရသည်မှာ ဓမ္မတာဖြစ်သည်။သို့သော် ထိုရှင်သန်နေသမျှကာလပတ်လုံးတွင် လူတစ်ယောက်ချင်းစီအတွက် သူ့တို့အတွက်ထိုက်တန်သော နေရာလေး တစ်နေရာစာတော့ရှိသည်။နောက်ဆုံး အဆုံးသတ်တွင်တော့ သေဆုံးကြရသည်။ထို နေရာတစ်ခုမှ ကမ္ဘာပေါ်ရှိ လူတို့ရင်ထဲတွင် တစ်ခုခုတော့ ကျန်ရစ်ခဲ့အောင် စွမ်းဆောင်နိုင်သူများကို HERO ဟုခေါ်သည်။HERO ဆိုသည်မှာ လူစွမ်းကောင်းကြီးပဲဟု သီသန့်ခေါ်ခြင်းမဟုတ်၊လောကအတွက်၊ဘ၀ အတွက် ကြိုးစားသူများ၊သမိုင်းတွင် နာမည်ကျန်ရစ်ခဲ့သူများ၊စွမ်းဆောင်နိုင်သူများ ကို လည်း HERO ဟု သတ်မှတ်သည်။အနုပညာရှင်များ အထူးသဖြင့် ဂီတနှင့် ပတ်သတ်သောအနုပညာရှင်များ သည် ကိုလည်း ဂီတ HERO များ ဟုခေါ်ဆိုနိုင်ပေသည်။ တစ်နည်းဆိုသော် အနုပညာ ကို မိုးကောင်ကင်နှင့် ဟုသတ်မှတ်လျှင် အနုပညာရှင်များသည် ထို မိုးကောင်းကင်ရှိ ကြယ်ပွင့်များနှင့်တူပေသည်၊ထိုကြယ်ပွင့်များသည် အချို့က လင်းလက်လျှက်ရှိကြသည်။
အချို့ကတော့ ကြွေလွင့်သွားကြသည်၊အချို့ကတော့ တိမ်တိုက်ထဲတွင် ပုန်းကွယ်နေသည်။ထို ထဲတွင် ကိုဌက်(ထူးအိမ်သင်) ကတော့… လင်းလက်တောက်ပဆဲမှာပဲ ရုတ်တရက် ကွဲအက်လွင့်ကြွေသွားသော ညနေကြယ် ဖြစ်သည်။
ဂီတ ဆိုသည် မှာ လူတိုင်းရင်ထဲတွင် ကိန်းအောင်းနေသော အနုပညာတစ်ရပ် ဖြစ်သည်။ကမ္ဘာကြီး ကိုလည်း သံစဉ်များဖြင့် ဖွဲ့စည်းထားသည်။
လူ့ရဲ့ စိတ်ကို အကြားအာရုံတွင် နှစ်ထားသော အခါ ဂီတ ဆိုတာဖြစ်ပေါ်လာသည်။
ထို ဂီတကို အချို့ က ဘ၀ ဖြင့်တည်ဆောက်ကြသည်၊ကိုဌက်ကတော့ ဘ၀ကို ဂီတ နှင့် လဲခဲ့သည်၊သီချင်းတွေကို လဲခဲ့သည်၊ထိုသို့ လဲခြင်းသည် သူ၏ အမှတ်တရ ဒဏ်ရာများဖြစ်သည်။
ကျနော့် ဘ၀တွင် စကားပြောတက် ခါစ အရွယ်တွင် အမေ တို့ အပြော အရ ပထမဆုံး သီဆိုခဲ့သော သီချင်းမှာ ကိုဌက်ရဲ့ “ခေါင်းလောင်းလေးတွေမြည်နေပြီ” သီချင်းဖြစ်သည်။မပီကလာ ပီကလာနှင့် ဆိုခဲ့သည် ဟုလည်းပြောသည်၊သိပ်တော့ မမှတ်မိတော့၊ထို အရွယ် ကတည်းက ကိုဌက်ရဲ့ သီချင်းတွေကို ပဲ ရင်ထဲမှာ စွဲလမ်းခဲ့တာလား မပြောတက်တော့၊သူ့ ရဲ့ ပထမဆုံး စီးရီး “နာရီပေါ်ကမျက်ရည်စက်များ”(၁၉၈၇)၊“မှော်ဆရာ အိပ်မက်”(၁၉၈၈) စီးရီးများထွက်သောအခါ ကျနော့်ကို မမွေးသေး၊“သက်ငြိမ်”(၁၉၈၉) တွင်တော့ သူ့သီချင်းများကို သိလာခဲ့သည်။ပွင့်ပွင့်လင်းလင်း ၀န်ခံရလျှင် ထိုစဉ်က သူ့ကို လူတိုင်း
သိခဲ့တော့ “အမေ့အိမ်”သီချင်းကို ငယ်ရွယ်စဉ် က သိပ်မခံစားတက်သေး၊ သူ ဆိုခဲ့သော
“လူနဲ့အင်္ကျီ” သီချင်းအတိုင်း “လူရယ်ခေါ်နိုင်တဲ့ နာကျင်တက်ပြီစိတ်မှာ ပြန်လည်လျော်ဖွတ် မရတော့ဘူး ဘ၀က ညစ်ပတ်သော” အရွယ် ရောက်တော့မှ “အမေ့အိမ်”ကို ခံစားတက်လာသည်။ထိုထဲမှ “မပြီးသေးတဲ့ ခရီးတစ်ခု အဆုံးထိရောက်ဖို့
ကြိုးစားနေသူမှာ၊တင်းထားတဲ့ စိတ်ဓါတ်များပြိုလဲသွားမလား စိုးရိမ်လို့”ဆိုတဲ့ သီချင်းစာသားများမှာ ရင်ထဲတွင် အငြိဆုံး စာသားဖြစ်သည်။ဘ၀ မှာ မပြီးသေးသော ခရီးတစ်ခုကို လူများသွားနေရသည်၊သွားနေရင်းနဲ့ ပဲ မိမိတို့ရဲ့တင်းထားတဲ့ စိတ်ဓါတ် များယိုင်လဲ ပြိုကျသွားမလား ဆိုပြီး ကျနော် အပါအ၀င် အားလုံးပဲ စိုးရိပ်မိခဲ့ကြမှာပါ။
အနိမ့်၊အမြင့် အတက်အကျ လောကဓံတွင် တစ်ခါတစ်ရံတွင် အောင်မြင်မှု့တွေ၊ပျော်ရွင်မှု့တွေ လာတက်သည် ။တစ်ခါတစ်ရံတွင် တော့ ကျဆုံးခြင်း၊၀မ်းနည်းခြင်းများ လာတက်သည်၊ထိုသို့ ကြုံတွေ့တိုင်း သူ၏သီချင်းများသည် ကျနော့် အတွက်တော့ စိတ်ဓါတ်ခွန်အား များကို ပေးစွမ်းနိုင်သောအားဆေးတစ်ခွက်ဖြစ်သည်။
“နာရီပေါ်က မျက်ရည်စက်များ” စီးရီးမှ “ဝေးသွားတဲ့အခါ”သီချင်းစာသားခေါင်းစဉ်သည် သူ ဆုံးပါးသောအခါ သူ၏ အုတ်ဂူ ပေါ်တွင် ရေးထိုးစေခဲ့သည်။ဘာကြောင့် ထိုသို ရေးခိုင်းခဲ့သလဲဆိုတာ တော့ သူက လွဲပြီး ဘယ်သူ မှ သိနိုင်တော့မည် မထင်တော့။ထို အဓိပ္မါယ်သည် မည်သို့နည်း၊လူတွေအားလုံးနှင့် သူနှင့်ဝေးသွားသောအခါ သူ့အတွက်ငြိမ်းအေးသွားခြင်းလား၊အားလုံးရဲ့ ရင်ထဲမှာကျန်ရစ်ခဲ့သော ပူဆွေးမှု့များသည် ကြာလျှင်မေ့ပျောက်သွားခြင်းလား၊“နှလုံးသားမှာ အမြဲတမ်းသတိရနော်”ဆိုပြီး သတိရခြင်းကို နှလုံးသားမှာ ထည့်သွင်းစေခြင်းလား၊တိတိကျကျမသိတော့။သေချာတာ တစ်ခုကတော့… “နှုတ်ဆက်ခဲ့ပါတယ် ကောင်းမြတ်ခြင်းတရားရယ်၊
ငါ မင်းရဲ့အလိုအတိုင်းသာစွန့်စားခဲ့တယ်၊ငါ့ အိပ်မက်တွေက ဖြစ်မလာခဲ့ဘူး။အမှောင်မှာကျင်လည်ဖို့ငါထွက်သွားပြီဟေ့”ဆိုပြီး “မီးများနဲ့ကင်းဝေးရာ မီးထွန်းပြီးတော့လိုက်ရှာ” နေပါတော့တယ်။
သူ့ သီချင်း၊သူ့ဒဿန၊သူ့အနုပညာ သည် သူ့ဘ၀ အတွက်ဖြည့်ဆွတ်ခြင်းဖြစ်သည်။ “တိမ်တွေအကြောင်း”ထဲက လူ့ဘ၀ဆို တိမ်တိုက်တွေလိုပါ၊“အချိန်ဆိုတာ ဘ၀အတွက်ဖြည့်ဆွတ်ခြင်းပေါ့”ဆိုတဲ့ ဒဿနကို ရဲရဲဝင့်ဝင့် ဖွင့်ဆိုခဲ့လေသည်။သူ့ ရေးဖွဲ့ခဲ့သော “သက်တန့်” ကဗျာသည် လူ့ဘ၀ကိုတိုက်ရိုက် သရုပ်ဖော်နေသယောင်။“အရှိတော့ အရှိပဲ ဒါပေမယ့် အရှိမဲ့”တဲ့၊
“နာရီ ရဲ့ သီချင်း”သည် လူ့လောက တွင်သာ မက ကမ္ဘာကြီးကိုပါ အကျိုးပြုနေသော
သီချင်းဖြစ်သည်၊“လူ့ဘ၀ ဟာရခဲလွန်းလှတယ်ကိုယ့် ဘ၀ကို အလွဲသုံးစား မလုပ်နဲ့၊တစ်နေ့နေ့ သေခြင်းတရားမှာ အားလုံးအဆုံးသတ်ရမယ်၊အို ရှင်သန်ချိန်တွေတိုတောင်းလွန်းတယ်၊မကောင်းမှု့လုပ်ဖို့ အချိန်တွေနှမျောပါတယ်”။
ဟုတ်တယ် ရခဲလှသော လူ့ဘ၀တွင် ကျနော် တို့ တွေဟာမကောင်းမှု့တွေနဲ့ပဲ အချိန်ကုန်နေတော့မလား၊သေချာ စဉ်းစားရပါမည်။
ဒုတိယ စီးရီး (မှော်ဆရာအိပ်မက်)တွင်တော့ လူ့ဘ၀ဟာ တိုက်ပွဲ ဆိုပြီး “ကြိုးဝိုင်း”သီချင်းကိုသီဆို ခဲ့ပါသည်။“အတွေးမမှားပါနဲ့၊မင်းနဲ့ငါလည်း ဘ၀ က သမုဒ္ဒရာထက်ရေပွက်”ဆိုပြီး တရားသဘောကို ဖွင့်ဆိုတာလား ကိုဌက်ရယ် တစ်ကယ်လည်း အားလုံးဟာ ဖြစ်ဆဲခဏတာ တွေပါ။
တစ်ခါတစ်လေ ကိုဌက် ဆိုသလို “ငါဟာအတ္တမဲ့အလင်းတစ်ခုဖြစ်ချင်တယ်၊ပိုင်ဆိုင်တာတွေ စွန့်လွတ်ခဲ့ရေလို စီးဆင်းသွားနေလည်း”လို့တောင် ဖြစ်ချင်မိတယ်၊ဘာပဲပြောပြောပါ၊ခုချိန်မှာတော့ ကိုဌက် ထုဆစ်ခဲ့တဲ့ ရာဇ၀င်များရဲ့သတို့သမီး ဧရာဝတီ ကတော့ ဆက်လက်စီးဆင်းမြဲပါပဲ ကိုဌက်ရယ်၊
ဂီတကို ချစ်၊ဘုရားရဲ့တရားတော်တွေလည်းယုံကြည်၊ဗုဒ္ဒ ကို ဂီတနဲ့ ပူဇော်ခဲ့တဲ့ အနုပညာ မာန ခရီးသည် တစ်ယောက် “ငါလျှောက်ခဲ့တဲ့လမ်းမှ ပြန်မလာဘူး၊ဆုံးဖြတ်ခဲ့ပြီးမှတွေဝေသလား မင်းသိမှာပါ၊ငါလေ တစ်ယောက်တည်း အထီးကျန်၊ဒီ ကမ္ဘာမှာ ဘယ်အရာတည်မြဲသလဲလို့ တစ်ယောက်တည်းတွေးမိတော့ ငါလိုချင်တာတွေ ယုံကြည်တာတွေ မရေရာဘူး၊အချစ်ရယ် အလကားပဲ”ဆိုပြီး ကျနော်တို့ လူငယ်တွေရဲ့ စိတ်တွေကို ရင့်ကျက်လာအောင် လမ်ပြပေးခဲ့သလား ကိုဌက်…
ကိုဌက် မရှိတော့ပေမယ့် အလင်းဆိုင်ကလေး ကတော့ လူစည်နေမှာပါပဲလေ။“ဂစ်တာသံတွေရယ်၊ကိုယ်သီဆိုနေမယ်၊ရင်ကိုခုန်စေတဲ့သီချင်းရယ် အမှောင်မှာ သာယာနားဆွံခဲ့၊သူ ဟာ ခင်တွယ်နေမှာပဲကွယ်”(ဂျပ်ဆင်ထိပ်ကလရိပ်ပြာ) သီချင်း သည် တက္ကသိုလ်ကျောင်းသားတွေ အတွက် နားထောင်လို့ မရိုးနိုင်သော လွမ်းတေးတစ်ပုဒ် ဖြစ်သည်ဟု ကျနော် ထင်သည်၊“နွေကျောင်းပိတ်ရက်တွေမှာ သူပြန်မလာနိုင်ပြီပဲ၊ဘာကြောင့်လဲ ကိုယ် မသိခဲ့ပါ၊ဂျပ်ဆင်ထိပ်ကလရိပ်ပြာရယ်”
ကိုဌက်(သို့)ထူးအိမ်သင် သည် အမေ့ကိုချစ်သော အမေ့ရဲ့ဒုက္ခအိုးလေးဖြစ်သည်၊
(အမေ(သို့)အကြွင်းမဲ့ မေတ္တာတော်ဘွဲ့)စီးရီး သည် အောင်မြင်ခဲ့သော စီးရီးဖြစ်သည်၊သူ ရေးခဲ့သလို ထို စီးရီးသည် “အမေကို ချစ်သောသားများသို့ (ထိုထက်ပို၍)အဝေးရောက်သားများသို့(ထိုထက်ပို၍)သားဆိုးများသို့ အထူးသဖြင့် အမေကိုချစ်သော အဝေးရောက်သားဆိုးများကိုရည်ညွှန်းပါသည်” ဟု ဖော်ပြခဲ့သည်။ ကိုဌက် ရည်ညွှန်းခဲ့သလို ကျနော် တို့လည်း အမေကို ချစ်တဲ့ အဝေးရောက် သားဆိုးတွေပါ ။“အမေ ကျနော့်ကို စိတ်မညစ်ဘူးလား၊ကျနော်ဟာ ကမ္ဘာမြေကြီးရဲ့ သီချင်းလေးတစ်ပုဒ်ပေါ့”ကိုဌက် က တကယ်ကို့ ကမ္ဘာမြေကြီးရဲ့ သီချင်းလေးတစ်ပုဒ်ပါပဲ။“ရင်ခုန်သံ သီချင်းလေး ညည်းရင်းနဲ့ ချစ်ခြင်းမေတ္တာအကြောင်းသင်ကြား” ကျနော်တို့ လဲ ဘ၀ မှာ ရိုးရိုးအေးအေးလေး နေထိုင်ရင်း ရင်ခုန်သံ သီချင်းလေး တွေ ညည်းရင်းနဲ့ပဲ ချစ်ခြင်းမေတ္တာ အကြောင်းသင်ကြားချင်တယ် ကိုဌက်ရယ်၊
ကိုဌက် ထွက်ခဲ့ တဲ့ စီးရီး(၁၃) ခွေနဲ့ လူ့လောက ကို ဒီလောက်ပဲ ပေးဆပ်ခဲ့တာလား ၊ကိုဌက် ဆိုချင်သေးတဲ့ ဗုဒ္ဒ ရဲ့ ပူဇော်တေး စီးရီး တွေ နောက်ထပ် အများကြီး နားထောင်ချင်သေးတယ်ဗျာ၊“ဒီနေ၀င်တာ နောက်ထပ်ကြုံဦးမယ်၊အချိန်တန်လာရင် နှုတ်ဆက်ရမယ် ဒီအတိုင်းပဲ”၊အချိန်တန်တော့လည်းနှုတ်ဆက်ရပြီပေါ့၊ ခုချိန်မှာ သေခြင်းတရားက ကျနော်တို့ကို မွေးကတည်း က မျက်လုံးဒေါက်ထောက်ကြည့်နေပြီ၊“ကျင်လည်ရာ လေးဖြာ သြဃ ၊စုန်ဆန်ကာ အကြိမ်ကြိမ် ဖြန့်ကျက်စား၊အဖန်ဖန်သေခြင်းသည် ဆင်းရဲလေစွ၊အို အဖ ဒေသနာတော် သစ္စာ လေးပါး မမြင်နိုင်သူ အကျွန်သည် လူ အန္န၊ရွှေညဏ်ရှင် သဗ္ဒေညုတ အား ပူဇော် ညွန်တွား၊အို မဟာဝီရ…ဗုဒ္ဒ”
ကျနော် တို့ လူတွေ မြတ်စွာဘုရားရှင် ဟောကြားသော တရားတော်များ၊သစ္စာလေးပါးတရားတော်ကို မမြင်နိုင်သောကြောင့် လူအန္န(လူသိမ်၊လူဖျင်း)ဖြစ်သည် ဟု အကြိမ်ကြိမ် အဖန်ဖန်သေခြင်းသည် ဒုက္ခ၊ဆင်းရဲခြင်း ဟု အဓိပ္မါယ် ဖွင့်ဆို သီဆို ပူဇော်ခဲ့ ပါတယ်။
ဘာလိုလို နဲ့ အချိန်ရာသီတွေပြောင်းလဲ လည်ပတ်ပြီး နွေဦးကံကော် တွေတောင် ပွင့်တော့မယ် ကိုဌက်ရေ၊ တခါတလေ တစ်နေ့စာအလွဲတွေ ကြုံတဲ့ အခါ ကိုဌက် သီချင်း
အားလုံးကို စ နေသလိုပဲနော်၊တစ်နေကုန် အလုပ်နဲ့ ရုန်းကန် လှုပ်ရှားပြီး အိမ်ပြန်ချိန် အပြန်လမ်းမှာ မိုးကောင်ကင်မှာ ကြယ်ကလေးတွေစုံနေတဲ့ ညတွေမှာဆိုရင် နားထဲမှာကြားယောင်မိတာ“ကြယ်တွေစုံတဲ့ညပါပဲ”

“ကြယ်တွေစုံတဲ့ည ကိုယ့်အိပ်မက်လေးရေ၊
ကြယ်တွေစုံတဲ့ ည ဘ၀ မျှော်လင့်ခြင်းတွေ၊
ရင်ခုန်သံ နှင့် ထုဆစ်ထားတဲ့ သီချင်းတွေလည်း ရင်တွေကွဲသွားအောင်ဆိုနေဦးမယ်၊
ကြယ်တွေစုံတဲ့ည အဝေးအိမ်ကို လွမ်းတယ်၊
ကြယ်တွေစုံတဲ့ည ခရီးမိုင်တွေခြားစဉ်၊
ဒဏ်ရာတွေနဲ့ ရေးခြစ်ထားတဲ့နေ့တွေလည်း
ကျော်လွန်သွားခဲ့ရင် အတူ ပြန်ဆုံဦးမယ်၊
နာကျင်စွာတစ်ယောက်တည်း တစ်ရေးနိုးတဲ့ ည တို့မှောင်နေဆဲ၊
အိမ်ပြန်ချင်ပေမယ့် မပြီးဆုံးတမ်းအိပ်မက်ရှည်တွေနဲ့…
အိုး…အမြဲတမ်းသတိရနေတယ် ရှင်းပြလို့ပေးပါကွယ်
ကြယ်ပွင့်လေးရေ ငါ့ရဲ့ အကြောင်းတွေ
ကြယ်တွေစုံတဲ့ည ထပ်ကြုံရဦးမယ်
ကြယ်တွေတကယ် စုံတဲ့ည လှနေမှာပေါ့ကွယ်
နေညိုညိုလမ်းလေးထက်နေ့စဉ် စောင့်နေတယ်
မျှော်လင့်ခြင်းများရယ် အိမ်ပြန်ချိန်များရယ်….”

“ကြယ်တွေစုံတဲ့ည”သီချင်းကိုရေးစပ်ခဲ့သူများမှာ တေးရေး၊တေးဆို ကိုအောင်နှင့် ကွယ်လွန်သွားပြီဖြစ်သော (ကိုအယ်ဖြူ) တို့က ရေးစပ်ခဲ့သည်၊မူရင်း ကိုအောင်က ဦးစွာသီဆိုခဲ့ပြီး ကိုဌက်က နောက်ဆုံး အယ်လ်ဘမ် တွင် သီဆိုခဲ့သည်၊သီချင်းက ကိုအောင် သီဆိုခဲ့သော အချိန်က သိပ်မသိခဲ့ကြပါ၊ကိုဌက် ရဲ့ အောင်မြင်မှု့ကြောင့်လားမသိ၊ကိုဌက် သီဆိုသော အခါမှ သီချင်းက လူကြိုက်များခဲ့သည်။သီချင်း ရဲ့ Music ပိုင်းကိုလည်း New Version ဖြင့်
ပို ဦးစားပေးခဲ့သည်၊ သီချင်း စစခြင်းမှာပင် သူ့ရဲ့ သြစတြေးလျ ပလွေသံလေးဖြင့် Intro ၀င်ခဲ့သည်။ထို အသံလေးကြောင့် စိတ်ထဲက လွမ်းမောမှု့တွေကို ပိုမိုနိုးထစေသလို၊သီချင်း Chorous အပိုဒ်အပြီး Solo တွင် တော့ ဘာဂျာ သံလေးထည့်သွင်းစေခဲ့သည်။ကိုဌက် ၏ နောက်ဆုံး ကြိုးစားမှု့ ပဲ ဟု ပြောရမည်၊ဂီတ ကို ကိုယ်ပိုင်တူရိယာ ဖြင့် ထုဆစ်ခဲ့သော ကိုဌက် ၏ အနုပညာ ပါရမီ ပင် ဖြစ်သည်။ထို သီချင်း စာသား မှာ လည်း ကျနော် အပါအ၀င် လူ တော်တော်များများ၏ ခံစားချက်တွေနဲ့ တိုက်ဆိုင်တာ ကိုတွေ့ရသည်၊ထို ထဲ တွင် “နာကျင်စွာတစ်ယောက်တည်း တစ်ရေးနိုးတဲ့ ည တို့မှောင်နေဆဲ၊
အိမ်ပြန်ချင်ပေမယ့် မပြီးဆုံးတမ်းအိပ်မက်ရှည်တွေနဲ့…
အိုး…အမြဲတမ်းသတိရနေတယ် ရှင်းပြလို့ပေးပါကွယ်
ကြယ်ပွင့်လေးရေ ငါ့ရဲ့ အကြောင်းတွေ…” စာသားသည် ကျနော် တို့ အားလုံး ၏ စိတ်ထဲတွင်ရှိနေသော ခံစားချက်များကို တိုက်ရိုက် ညွှန်းနေသလို၊ရင်ထဲမှ ပြောမပြနိုင်သော ပူလောင်မှု့၊အိမ်ပြန်ချင်မှု့တွေကို ကြယ်ပွင့်လေး မှ တဆင့် ပြောပြပေးပါ ဟု တောင်းဆိုနေသောပုံစံဖြစ်သည်။အတ္တမှန် ၀ါဒီထက် အစစ်အမှန် ၀ါဒီကို ပို၍ ဖော်ပြပေးထားသည်။ဘ၀တွင် မပြီးပြည့်စုံသော ရည်မှန်းချက်တွေနဲ့ လျှောက်လှမ်းနေရင်း အိမ်ပြန်ချိန် များကို တောင့်တသော စိတ်ကို သဘာဝတရားကကော သိနိုင်ရဲ့လား။ထို မသိနိုင်သော သဘာဝတရားကို မိမိ ၏ စိတ်ခံစားချက်များကို ဖွင့်ဟပြခြင်းသည် ပူလောင်မှု့တွေ အနည်းငယ် လျော့သွားမည်ထင်ပါသည်။သီချင်းမှာ ဤသို့ အဓိပ္မါယ်ဖော်ဆောင်ထားသည်။နောင် ဆယ်စု နှစ် တိုင်အောင်မရိုးနိုင်သော သီချင်းဖြစ်သည်။
ကိုဌက်သည် ဂီတ တွင်သာမက အနုပညာ နှင့် ပတ်သတ် လျှင် စာတွေ၊ကဗျာတွေပါရေးခဲ့သည်။ဆောင်းပါး တွေ စာ တွေကိုတော့ ဖတ်လဲ မဖတ်ဖူးတော့။ကဗျာတွေ လည်းအချို့ကို သိပ်မမှီတော့ပါ။“အမေ”၊“မြ”၊အသက်သည် အိပ်မက်”၊စင်သီယာ၊စသည်တို့သာ သိတော့သည်။အမေ ကဗျာသည် အမေ ကို ချစ်သော သားတစ်ယောက်အဖြစ်၊မိဘမေတ္တာ ကို သိတက်စွာဖြင့် ရေးစပ်ခဲ့ပါသည်။“ဒီတစ်ခါဖြင့်ရင်(သက်သာရာ ရမလားလို့)၀မ်းရေ နည်းနည်းစပ်ရင်လည်း ခွင့်လွတ်ပါ အမေ၊သားတော့မီးလောင်နေပြီ”ဟု အမေ သည် သူ့ကို မွေးခဲ့သည့် အတွက် ၀မ်းရေ စပ်လျှင် ခွင့်လွှတ်ပါ ဟု တောင်းပန်ထားသည်။
ကိုဌက်ရေးသော စင်သီယာ ကဗျာ(၅)ပုဒ်တွဲသည် မော်ဒန်(စ်) အက်(စ်) အငွေ့အသက်များစွာပါသည်။“အသက်သည် အိပ်မက်”ကဗျာကတော့ ကိုဌက်၏ Favorite ကဗျာဖြစ်သည်။ဘ၀ ကို အိပ်မက်ဖြင့် တင်စားခြင်းလား၊တမ်းတခဲ့သော ချစ်ခြင်းမေတ္တာကို တောင့်တခြင်းလား မသိနိုင်တော့။
ကိုဌက်ရယ် ခုတော့လည်း တစ်ဆောင်းသစ်ပြီး အားလုံးကို အနမ်းတစ်ခုအတွက် လွမ်းသူ့အိပ်မက်တွေထားရစ်ခဲ့ပြီပေါ့၊
ကိုဌက်မရှိတော့ပေမယ့် ညီလေးရေ သီချင်းနဲ့ ဆုံးမခဲ့တာတွေ မမေ့ပါဘူး။ကိုဌက် သွားချင်တဲ့ အသစ်ကမ္ဘာကိုလည်း ရောက်နိုင်ပါစေ။၂၀၀၄ သြဂုတ်လ မိုးရေတွေကြားထဲမှာ အားလုံးကို စွန့်ခွာပြီး ထွက်သွားတာ ခုဆိုရင်တော့ (၆) နှစ်ကျော်ခဲ့ပါပြီ။ကိုဌက်
ခုဆိုရင် ကမ္ဘာကြီးက ရက်စက်မှု့တွေ ကြားထဲမှာ ပျော်မွေ့ရင်း နှုတ်ဆက်တေးထဲကလို...
“နှုတ်ဆက်ခဲ့ပါတယ်၊အချစ်ဖွဲ့သီချင်းလေးရေ၊ငါနောက်ထပ်ဆိုညည်းစရာ မလိုအပ်တော့ပါ၊တမ်းတခဲ့လေတဲ့ ချစ်ခြင်းမေတ္တာတရား ဒီမှာရှာမတွေ့ဘူး သီချင်းလေးလေ၊အလင်းရောင် အခန်းလေးရေ၊ကောင်းမြတ်ခြင်းတရားရေ...ငါထွက်သွားပြီဟေ့”...ဆိုပြီး
အဝေးက မိုးကောင်ကင် ထဲမှာ အလွမ်းဌက်ငယ်လေးတစ်ကောင်ပျံသန်းသွားတာ တွေ့မြင်လိုက်ရပါတော့သည်။